LGBTQ+ – Ysgol Gyfun Cwm Rhymni

LHDTC+

Rhywioldeb ac Iechyd Meddwl

Rhywioldeb yw’r ffordd mae person yn disgrifio teimladau rhywiol, emosiynol a chorfforol a’r ffordd maent yn teimlo at berson arall.

Efallai bydd person yn cael eu denu at eraill o’r un rhyw neu ryw gwahanol neu ddim yn teimlo unrhyw fath o atyniad rhywiol o gwbl. Mae pawb yn wahanol ac mae rhywioldeb yn cynnwys elfennau gwahanol.

Mae termau gwahanol ar gyfer tueddiadau gwahanol. Mae dolenni isod gyda mwy am y termau gwahanol – Young Minds & Stonewall.

Sut mae rhywioldeb yn effeithio ar iechyd meddwl?

Mae’r canlynol yn gallu effeithio ar iechyd meddwl:

Teimlo’n wahanol i eraill.
Unigolyn yn cael ei sterioteipio a rhoi mewn bocs.
Gwahaniaethu oherwydd rhywioldeb.
Bwlio a chael eu trin yn wahanol.
Ddim yn teimlo’n gyfforddus neu’n ddiogel i ddangos cariad at bartner yn gyhoeddus.
Teimlo’n ‘anweledig’ heb eraill o’ch gwmpas sydd yn meddwl/teimlo yn yr un ffordd.
Dim cefnogaeth oddi wrth bobl agos a phwysig e.e. teulu.
Ddim yn cael eu derbyn gan eraill gan gynnwys ffrindiau a theulu.
Pobl yn camlabelu rhywioldeb y person ifanc.

Mae’n gallu effeithio ar rywun hefyd os maen nhw’n gweld rhywun arall yn cael eu camdrin, profi gwahaniaethu (discrimination) neu’n cael profiadau negyddol. Dyma rai ffyrdd mae’n gallu effeithio ar rywun:

Ofni dod mas a beth fydd eraill yn dweud, meddwl ac ymateb.
Teimlo bod rhaid cuddio’u rhywioldeb.
Teimlo o dan bwysau i labelu’u rhywioldeb cyn gwybod o sicrwydd eu hun.
Drysu am rywioldeb.
Teimlo’r angen i newid rhywioldeb a bod yn berson gwahanol gydag hunaniaeth gwahanol.
Hunan-ymwybodol o gwmpas eraill.
Anhawster cwrdd gydag eraill gyda’r pwysau o deimlo bod angen datgelu rhywioldeb bob tro.
Teimlo’n unig ac yn ynysig.